Human Rights Watch Güney Azərbaycan milli fəallarına qarşı basqıları pisləyib Güney Azərbaycan

Human Rights Watch Güney Azərbaycan milli fəallarına qarşı basqıları pisləyib

Human Rights Watch təşkilatı İranda müxtəlif sahələrdə insan haqlarının pozulması ilə bağlı illik hesabatını yayıb.

Təşkilatın 2020-ci ilin insan haqları ilə bağlı mülahizələrini əks etdirən hesabatında İran hökumətinin basqı yolu ilə Güney Azərbaycan milli fəallarının fəaliyyətlərini məhdudlaşdırmasını qeyd edib.

Güney Azərbaycanın insan haqları müdafiəçiləri və mədəni fəallarına qarşı hökumətin basqıları ilə yanaşı, İranda yaşayan başqa xalqların fəallarına qarşı qoyulan məhdudiyyətlərə də toxunulub.

Eyni halda qadınların, uşaqların, dini və cinsi azlıqların hüquqlarının pozulması da illik hesabatda öz əksini tapıb.

Hesabatda deyilir ki, İran hökuməti keçmiş illərdə olduğu kimi 2020-ci ildə də İran xalqına qarşı basqı siyasətini həyata keçirib. Ölkənin təhlükəsizlik və kəşfiyyat xidməti məhkəmə sistemi ilə birlikdə etirazçıların saxlanılmasına, işgəncəsinə və geniş səviyyədə insan haqlarının pozulmasına yol verib.

Gunaz.tv