Xatırladaq ki, aprelin 11-də həbsxana mühafizəçiləri və nəzarətçilərinin Ərdəbil həbsxanasının 1-ci bölməsində axtarış apararkən aşağılayıcı davranış sərgiləmiş, Yusif Kari də onlara etiraz etmişdi.

Həbsxana məsulları buna görə milli fəala qarşı zorakılıq tətbiq etmişdilər.

Mühafizəçilər qanunsuz olaraq onu qandallamış və möhkəm döyərək ağır bədən xəsarətləri yetirmişdi.

Baş və üz nahiyəsindən ağır xəsarətlər alan milli fəal həbsxananın karantin və reabilitasiya bölməsinə köçürülmüşdü.

Reabilitasiya bölməsində də ona qarşı kobud davranılıb. Bölmənin məsulu Noruzi onu barəsində yeni cinayət işinin açılması ilə təhdid edib.
"Rəhbəri və sistemi təhqir etmək ittihamı ilə məhkumluq dövrün uzadılacaq", "həbsxananı sənin üçün cəhənnəmə çevirəcəyəm"-deyə, Noruzi bildirib.

Yusif Kari 3 sentyabr 2019-cu ildə saxlanıldıqdan sonra Ərdəbil İnqilab Məhkəməsinin 1-ci şöbəsi tərəfindən 6 il həbs cəzasına məhkum edilib. Sonradan bu qərar Apellyasiya Məhkəməsinin 13-cü şöbəsi tərəfindən 2 il həbs cəzasına endirilib.

Gunaz.tv