Bu barədə Şərqi Azərbaycan əyalətinin Su və Kanalizasiya Şirkətinin Baş direktoru Əlirza İmanlu məlumat verib.

O, bildirib ki, adambaşına düşən standart su istifadəsi ortalama 150 litr olduğu halda, Şərqi Azərbaycan əyalətində 24 saatda adambaşına istifadə olunan su miqdarı 220 litrdir.

Əlirza İmanlunun dediyinə görə, Şərqi azərbaycanlılar sutkada təyin olunan ortalama standartdan 70 litr çox su istifadə edir.

O, Təbriz şəhərinin suya olan illik ehtiyacı qarşılamaq üçün saniyədə 700 litr suyun kəmərlərə buraxılması lazımdır.

Baş direktor bu məqsədlə 30 yeni su quyusunun qazıntısına başlanılıb. Onun sözlərinə görə, quyular istismara verildikdən sonra saniyədə 400 litr suyun kəmərlərə buraxılması mümkün olacaq.

İmanlu bununla yanaşı Şərqi Azərbaycan Regional Su Şirkəti tərəfindən Nəhənd çayından çəkilən su kəmərinin 7 kilometrinin təmir olunduğunu, işlərin bitməsindən sonra saniyədə daha 300 litr suyun ana kəmərlərə buraxılacağını vurğulayıb.

İmnalu və başqa yetkililərin verdiyi açıqlamalardan qarşıdakı yay aylarında Şərqi azərbaycan əyalətinin, özəlliklə Təbriz şəhərinin əhalisinin su qıtlığı yaşayacağından xəbər verir.

Mütəxəssislərin fikrincə, su çatışmazlığı və quraqlıqla bağlı rəsmilərin iddiaları şişirdilib.

Ölkədə su qıtlığı ümumi quraqlıq və yağıntıların azalmasından daha çox hökumətin, əlaqədar qurumların su hövzələri və qaynaqların yanlış idarə olunması nəticəsində baş verir.

Gunaz.tv