“Dünən biz gecə saatlarına qədər Qarabağ havasında olmuşuq”. Xalqcəbhəsi.az xəbər verir ki, bunu Milli Məclisin bu gün keçirilən iclasında deputat Elşən Musayev deyib. O qeyd edib ki, ötən gün Qarabağ futbol klubu hamımızı sevindirdi: “Biz ötən gücə tarixi anları yaşadıq. Bütün Azərbaycan bu sevinci yaşadı. Ölkəmizdə olan iş adamlarına müraciət edirəm ki, onlar komandamıza dəstək olsunlar”.
Deputat bildirib ki, vaxtilə evini belə satıb Qarabağ futbol klubuna dəstək edən verən bizim həmkarımız Aqil Abbasa da öz təşəkkürümüzü bildiririk: “Futbolun böyük bir siyasət olduğunu dünən gecə hamımız gördük. Ona görə də, futbolumuza dəstək olan iş adamlarına vergi güzəştləri edilməsi daha yaxşı təsirə malik olar”.