Qazaxıstanın 19 yaşadək futbolçulardan ibarət yığma komandasının baş məşqçisi Kirill Keker vəfat edib.

Bu barədə "Kayrat" klubunun mətbuat xidməti məlumat yayıb.

46 yaşlı mütəxəssisin ölüm səbəbi açıqlanmayıb.

Keker Qazaxıstanın U-19 komandası ilə birgə "Kayrat" klubunun akademiyasının rəhbəri idi. O, 2022-ci ilin yayında hazırda "Turan Tovuz"u çalışdıran Kurban Berdıyevin istefasından sonra Alma-Ata təmsilçisinin baş məşqçisi təyin olunub. 2024-cü aprelində istefaya göndərilən Kirill Keker daha sonra 4 ay müddətinə "Ordabası"nın sükanı arxasına keçib.