Rusiyada vətəndaşlara nağd valyuta satışı müvəqqəti olaraq qadağan edilib Dünya

Rusiyada vətəndaşlara nağd valyuta satışı müvəqqəti olaraq qadağan edilib

Rusiya Bankı (Mərkəzi Bank) nağd əməliyyatlar üçün müvəqqəti prosedur tətbiq edir.

Bu barədə Mərkəzi Bankın açıqlamasında deyilir.

"2022-ci il martın 9-dan sentyabrın 9-dək Rusiya Bankı vətəndaşların xarici valyutada depozitlərindən və ya hesablarından vəsaitlərin verilməsi üzrə aşağıdakı proseduru müəyyən edir. Xarici valyuta hesablarında və ya depozitlərində olan bütün müştəri vəsaitləri əmanət valyutasında saxlanılır və uçota alınır, müştəri 10 min ABŞ dollarına qədər nağd, qalan vəsaiti isə çıxarılış günündəki bazar məzənnəsi ilə rublla çıxara bilər", - deyə Mərkəzi Bankdan bildirilib.
Bildirilib ki, vətəndaşlar yeni valyuta hesabları və əmanətlər aça biləcəklər, lakin müvəqqəti olaraq onlardan rublla bazar məzənnəsi ilə vəsait çıxarmaq mümkün olacaq.

Qeyd edilib ki, banklar müvəqqəti olaraq vətəndaşlara nağd valyuta satmayacaq, istənilən vaxt valyutanı rubla dəyişmək mümkün olacaq.