Ukraynada limanların bağlanması Gürcüstan limanları üçün logistika problemləri yaradıb.

Bunu "Azersun Holdin"in baş direktoru Savaş Uzan Bakıda keçirilən Azərbaycan-Gürcüstan biznes forumunda deyib.

Onun sözlərinə görə, bununla əlaqədar olaraq hazırda Gürcüstan limanları həddən çox yüklənib.

"Bir aydan çoxdur ki, Qazaxıstandan 10, Özbəkistan və Azərbaycandan hərəsindən 4 gəmi növbədə dayanıb. Ukrayna limanlarının bağlanması ilə əlaqədar yük dövriyyəsi Xəzər hövzəsinə yönəldilib. Hazırda Qazaxıstan və Özbəkistandan yüklər Trans-Xəzər beynəlxalq nəqliyyat marşrutu ilə daşınır və bu tendensiya gələcəkdə də davam edə bilər. Hesab edirəm ki, bu dəhlizə əlavə investisiyalar lazımdır", - deyə o bildirib.