Ukrayna dövlət büdcəsinin maliyyələşdirmə paketi çərçivəsində ABŞ-dan 1,3 milyard dollarlıq qrant alıb.

Bu barədə Ukraynanın baş naziri Denis Şmıqal özünün "Twitter" səhifəsində yazıb.

"Biz ABŞ prezidenti Co Baydenə misilsiz dəstəyə görə təşəkkür edirik. <...> 7,5 milyard dollarlıq dövlət büdcəsinin maliyyələşdirilməsi paketinin bir hissəsi kimi 1,3 milyard dollarlıq qrant aldıq", - deyə baş nazir bildirib.
D.Şmıqal həmçinin Dünya Bankının operativ qərarlarına və ayrıca Dünya Bankı Qrupunun prezidenti Devid Malpasa təşəkkürünü bildirib.