Böyük Britaniyanın baş naziri Boris Conson bildirib ki, hazırkı hökumət səlahiyyətləri bitənə qədər heç bir yeni siyasət strategiyası tətbiq etməyəcək, eləcə də əsas maliyyə məsələləri ilə bağlı qərarlar qəbul etməyəcək.

Bu barədə "Sky News" televiziya kanalı xəbər verib.

"Nazirlər Kabinetinin iclası zamanı B.Conson hökumətin yeni siyasət həyata keçirmək və ya istiqaməti əhəmiyyətli dərəcədə dəyişdirmək niyyətində olmadığını açıqladı. O bildirib ki, əsas maliyyə qərarları növbəti baş nazirin öhdəsinə buraxılmalıdır", - deyə bildirilib.

Baş nazirin sözlərinə görə, bunun əvəzinə hökumətinin diqqəti "onun seçilməsinə səbəb olan gündəliyi həyata keçirməyə" yönəldəcək.