ABŞ-nin şərq sahilində tüğyan etmiş "İan" qasırğası nəticəsində həlak olanların sayı 87 nəfərə çatıb.

Ölümlərin 83-ü Florida ştatında, 4-ü Şimali Karolinada qeydə alınıb.

Bundan başqa, minlərlə şəxsin itkin düşdüyü hesab edilir. Xilasedicilər onların böyük əksəriyyətinin sığınacaqlarda olduğunu və əlaqəyə çıxa bilmədiklərini ehtimal edir.

Florada ştatında 800 minə yaxın şəxs elektrik enerjisiz qalıb.

Qeyd edək ki, "İan" qasırğası ötən həftə sonu ABŞ-nin cənub-şərq sahilində ciddi fəsadlar törədib.