Noyabr-fevral aylarında Ukraynada xüsusi əməliyyatda dönüş yarana bilər. Bunu Belarusun Dövlət Təhlükəsizlik Komitəsinin sədri İvan Tertel ölkədə və xaricdə yaranan hərbi-siyasi vəziyyət barədə məlumat verərkən deyib.

Onun sözlərinə görə, Rusiya keyfiyyətli səfərbərlik həyata keçirsə və qruplaşmanı qabaqcıl silah və texniki avadanlıqla təmin edərsə, hərbi əməliyyatlar əsas mərhələyə daxil olacaq. “Bizim hesablamalarımıza görə, bu ilin noyabrı ilə gələn fevral ayları arasında dönüş nöqtəsi olacaq”, - BELTA Terteldən sitat gətirib. Oktyabrın 10-da Belarus prezidenti Aleksandr Lukaşenko bildirib ki, NATO və bəzi Avropa ölkələrinin rəhbərliyi Belarusa qarşı nüvə zərbəsinə qədər mümkün təcavüz variantlarını nəzərdən keçirir. Onun sözlərinə görə, Rusiya və Belarus İttifaq dövlətinin qərb sərhədlərində vəziyyətin gərginləşməsi ilə əlaqədar qoşunların birgə regional qruplaşmasından istifadə etməyə başlayır.

Cavid