Türkiyədə 14 mayda keçirilən parlament seçkiləri nəticəsində Böyük Millət Məclisinə seçilən millət vəkillərinin andiçmə mərasimi keçirilir.

APA-nın İstanbul müxbirinin verdiyi xəbərə görə, yeni çağırış Məclisin rəsmi ilk iclasına müvəqqəti təyin olunmuş MHP sədri Dövlət Bağçalı sədrlik edir.

Qeyd edək ki, bu mərasimlə yeni dövr fəaliyyətinə başlamış 28-ci çağırış parlamentdə hakim Ədalət və İnkişaf Partiyasından (AK Parti) - 268, MHP-dən - 50, Yenidən Rəfah Partiyasından - 5, CHP-dən - 169, İYİ Partiyadan - 43, Yaşıl Sol Partiyadan - 61, Türkiyə İşçi Partiyasından - 4 olmaqla toplamda 600 millət vəkili yer alıb.