"Turkmenistan Airlines" təhlükəsizlik səbəbi ilə avqustun 1-dən etibarən Aşqabad-Moskva marşrutu üzrə uçuşları dayandırıb.

Trend xəbər verir ki, bu barədə aviaşirkətin saytındakı məlumatda deyilir.
"Moskvanın hava məkanında hava vəziyyəti ilə əlaqədar, eləcə də uçuşların təhlükəsizliyinin təmin edilməsi məqsədilə risklərin qiymətləndirilməsi əsasında avqustun 1-dən etibarən "Türkmənistan Hava Yolları" ASC-nin Aşqabad-Moskva-Aşqabad istiqamətində bütün reysləri dayandırılacaq və Aşqabad-Kazan-Aşqabad marşrutu ilə həyata keçiriləcək", - deyə məlumatda bildirilir.