Silahlılar ələvilərin yaşadığı kəndə hücum edib, 20 nəfər yerli sakin qətlə yetirilib

Suriyada silahlı şəxslər Xama yaxınlığındakı Maan kəndinə hücum zamanı 10 nəfər qadını qətlə yetiriblər.
APA-nın Suriyanın SANA agentliyinə istinadən verdiyi məlumata görə, eybəcər hala salınmış qadınların cəsədləri sonrada kəndin mərkəzində nümayiş etdirilib.
Livanın "Daily Star" qəzetinin yazdığına görə, əsasən ələvilərin yaşadığı Maan kəndinə hücumu "Cund əl-Aksa" qruplaşmasının üzvləri təşkil ediblər. Hücum nəticəsində ümumilikdə 20 nəfər kənd sakini qətlə yetirilib.