Xalqcəbhəsi.az-ın Türkiyənin “sozcu.com.tr” saytına istinadən xəbərinə görə, Suriyada 61 il hökmranlıq edən Bəəs rejiminin süqutu ölkədə yeni dövrün qapısını açıb. Müxalifətin 13 illik mübarizəsi qələbə ilə başa çatıb və paytaxt Dəməşqə nəzarət tamamilə ələ keçirilib.

Suriyalılar Dəməşqə qayıtmaq üçün yola çıxıb. Bəəs rejiminə qarşı gücünü itirən Suriya ordusu məğlubiyyətini rəsmən elan edib. Suriya Prezidenti Bəşər Əsəd ailəsi ilə birlikdə paytaxtı tərk edərək Rusiyaya sığınıb. Onun ölkədən qaçması ilə illərlə sürən hakimiyyəti də sona çatıb.

Paytaxt Dəməşqdə indi yeni ab-hava hökm sürür. Küçələrə çıxan xalq meydanlarda Əsəd rejimini təmsil edən heykəlləri söküb iqamətgahlara girərək rejimin simvollarını məhv edir. Şənliklər bayram ab-havasında davam edir.