Fələstin Azadlıq Təşkilatına bağlı Əsirlər və Azad Edilənlər Heyəti ilə Fələstin Əsirlər Cəmiyyəti və Zamir Məhbusları Müdafiə Təşkilatı tərəfindən hazırlanan hesabatda İsrailin İordan çayının qərb sahilinin müxtəlif bölgələrində həyata keçirdiyi həbslərlə bağlı məlumat verilib.

Xalqcəbhəsi.az-ın “Anadolu” Xəbər Agentliyinə istinadən məlumatına görə, hesabatda deyilir ki, İsrail İordan çayının qərb sahilində basqın və nəzarəti davam etdirib, həbs edilənlər ölkənin şimalındakı Cenin şəhərində və qaçqın düşərgələrində cəmlənib.

Fevral ayı ərzində İordan çayının qərb sahilində 762 fələstinli saxlanılıb. Onlardan 90-nın uşaq, 19-unun qadın olduğu bildirilib.

Həmçinin son bir ayda İsrailin fələstinlilərə qarşı açıq sorğu-suallarının artdığı qeyd olunub.