Türkiyənin Çankırı bölgəsində fabrik işçilərini daşıyan 18 S 0135 dövlət nömrə nişanlı avtobus idarəetməni itirərək arxa aşıb.

Xalqcəbhəsi.az-ın “haberglobal.com.tr”-yə istinadən məlumatına görə, qəza gecə saatlarında Çankırı-Ankara avtomobil yolunda baş verib.

İlkin məlumata görə, qəza nəticəsində 23 nəfər xəsarət alıb.

Hadisə yerinə sağlamlıq, xilasetmə, polis və jandarma qrupları gəlib. Yaralılara ilkin tibbi yardım göstərildikdən sonra onlar təcili tibbi yardım maşınları ilə xəstəxanalara aparılıb.

Trafik qrupları qəza ilə əlaqədar araşdırma başladıb, yolda nəqliyyat vasitələrinin hərəkəti nəzarət altına alınıb.