Kiyevdə Rusiya tərəfindən həyata keçirilən kütləvi hücum nəticəsində həlak olanların xatirəsi anılacaq. Aprelin 25-i matəm günü elan edilib.

Xalqcebhesi.az xəbər verir ki, bu barədə Kiyev meri Vitali Kliçko Teleqramda məlumat paylaşıb.

“Sabah, 25 aprel düşmənin paytaxta kütləvi hücumunun qurbanlarının xatirəsinə matəm günü elan edilib”, – deyə şəhər meri bildirib.

Qeyd edək ki, Rusiya ordusunun Kiyevə kütləvi aviazərbələri nəticəsində son məlumata görə, 12 nəfər ölüb.