İsrail ordusu İrandan atılan raketləri aşkarladı və onların qarşısını almağa başladı.

İsrail Silahlı Qüvvələri (CƏHAL) İrandan İsrail ərazisinə raketlərin buraxıldığını qeydə alıb və onların qarşısını almaq üçün müdaxiləyə başlayıb.

Xalqcebhesi.az xəbər verir ki, bu barədə İsrail Müdafiə Ordusunun Telegram kanalında məlumat verilib.

“İrandan İsrail Dövlətinin ərazisinə buraxılan raketlər aşkarlandıqdan dərhal sonra ölkənin bir sıra bölgələrində xəbərdarlıq siqnalları işə salınıb,” – deyə məlumatda bildirilir.

İsrail Hərbi Hava Qüvvələri hazırda təhlükənin aradan qaldırılması üçün fəaliyyət göstərir. Ordunun əlavə etdiyi məlumata görə, hava hücumundan müdafiə sistemləri 100% effektiv deyil, buna görə də vətəndaşlardan təhlükəsizlik qaydalarına ciddi şəkildə əməl etmələri xahiş olunur.

Məryəm Quliyeva