Ukrayna lideri Vladimir Zelenski Avropa Komissiyasının (AK) rəhbəri Ursula fon der Leyenlə söhbətindən sonra Ukraynanın “Avropa İttifaqının bir hissəsi olacağını” deyib.

Xalqcebhesi.az xəbər verir ki, bu barədə o, Telegram kanalında məlumat verib.

"Ursula, vahid Avropanın Ukraynanı narahat edən bütün proseslərdə iştirak etməli olduğuna dair aydın baxışına görə təşəkkür edirəm. Biz artıq üzvlük danışıqlarındayıq və Ukrayna Avropa İttifaqının bir hissəsi olacaq", - o vurğulayıb.

Avqustun 7-də fon der Leyen Zelenski ilə Ukraynada sülhə doğru addımları və Kiyevin Avropa Birliyinə “gələcək üzvlük” məsələsini müzakirə edib.

Avropa, AK rəhbərinin sözlərinə görə, "ədalətli və davamlı sülhün təmin edilməsində fəal rol oynamağa" davam edəcək.

Məryəm Quliyeva