Böyük Britaniya, Almaniya və Fransa — "Avropa üçlüyü" (E3) adlandırılan bu ölkələr, Tehranın nüvə proqramı ilə bağlı danışıqların uğursuz nəticələnməsindən sonra İran əleyhinə sanksiyaların bərpası prosesini başladıb.

Xalqcebhesi.az xəbər verir ki, bu barədə Reuters agentliyi məlumat yayıb.

Məlumata görə, Avropa ölkələri qərarlarını BMT Təhlükəsizlik Şurasına yazılı şəkildə təqdim ediblər.

Eyni zamanda bildirilib ki, "Avropa üçlüyü" İranla nüvə proqramı üzrə danışıqları sentyabr ayının sonuna qədər davam etdirməyə hazır olduqlarını bəyan edib.

Avqustun 27-də isə Avropa üçlüyünə daxil olan ölkələrin xarici işlər nazirləri, BMT Təhlükəsizlik Şurasının sanksiyalarının bərpasını nəzərdə tutan "snapback" mexanizmini işə salmaq qərarını ABŞ-ın dövlət katibi Marko Rubiyoya çatdırıblar.

Məryəm Quliyeva