Tayvana çatan supertayfun güclü yağışlara səbəb olub və gölün daşması nəticəsində azı 14 nəfər həlak olub.

APA xarici mətbuata istinadən xəbər verir ki, daha 124 nəfərin itkin düşdüyü bildirilir.

Təbii fəlakət Honq Konqa da çatıb. Burada güclü küləklər, leysan yağışları və dalğalı dəniz müşahidə olunur.

“Raqasa” tayfununun hərəkəti davam edir və onun Çinin cənubuna yönəldiyi qeyd olunur. Çin hakimiyyəti təhlükəsizlik tədbirləri çərçivəsində artıq 1 milyon nəfəri təxliyə edib.