“BMT İnsan Hüquqları Şurası İranda keçirilən mitinqlər zamanı iştirakçılara qarşı tətbiq edilən zorakı hərəkətləri açıq şəkildə insan hüquqlarının pozulması kimi qiymətləndirir”.

Bu sözləri politoloq Şakir Ağayev Xalqcebhesi.az-a açıqlamasında bildirib.

Onun sözlərinə görə, Şura bu addımların fundamental insan azadlıqlarına zidd olduğunu vurğulayaraq, İran rəsmilərinin, o cümlədən Abbas Əraqçinin mövqeyini artıq qəbul etmir:
Şakir Ağayev qeyd edib ki, BMT üçün İran hökumətinin rəsmi açıqlamaları artıq maraq doğurmur və nümayişçilərə qarşı həyata keçirilən bütün addımlar birmənalı şəkildə zorakı hərəkətlər kimi dəyərləndirilir. Politoloqun fikrincə, bu yanaşma beynəlxalq ictimaiyyətin İran hökumətinə olan etimadsızlığının açıq göstəricisidir və BMT səviyyəsində İrana qarşı formalaşmış etimadsızlığın artıq sübut olunduğunu ortaya qoyur.

Günel Elxan