Ukrayna Prezidenti Volodimir Zelenski Avropa İttifaqı liderlərinin Kiprdə keçirilən qeyri-rəsmi sammitinə şəxsən yollanacaq.

Xalqcebhesi.az xəbər verir ki, bu barədə mənbələrə istinadən "Evropeyskaya pravda" məlumat yayıb.

Nəşrin həmsöhbətlərinin sözlərinə görə, Zelenski Avropa dövlətlərindən birinin ərazisindən Kiprə uçacaq və aprelin 23-ü axşam saatlarında başlayacaq görüşə qoşulacaq. Rəsmi olaraq daha əvvəl onun videozəng vasitəsilə iştirak edəcəyi bildirilmişdi.

Sammit Ukrayna üçün 90 milyard avroya qədər böyük maliyyə yardım paketinin, həmçinin Aİ-nin 2028–2034-cü illər üzrə uzunmüddətli büdcəsinin müzakirə ediləcəyi gözləntiləri fonunda keçirilir.

Görüşün gündəliyinə həmçinin geosiyasi vəziyyət və Aİ Müqaviləsinin qarşılıqlı müdafiə ilə bağlı 42(7)-ci maddəsinin ayrı-ayrı aspektlərinin mümkün müzakirəsi daxildir. Liderlərin yerli vaxtla saat 17:00-dan etibarən gəlişi gözlənilir.

Məryəm Quliyeva