Səudiyyə Ərəbistanının ABŞ ilə birlikdə İraqa qarşı hücumları əlverişsiz bir inkişafdır və Yaxın Şərqdə vəziyyətin pisləşməsinə səbəb ola bilər.

Bunu BMT Baş katibinin sözçüsü Fərhan Haq bildirib.

O qeyd edib ki, BMT münaqişənin yenidən genişlənməsini istəmir: "Döyüşlərin daha çox ölkəyə yayılması əlverişsiz bir inkişafdır və bizi əvvəlkindən daha pis vəziyyətə sala bilər."

Haq əlavə edib ki, BMT rəhbəri tərəflərin döyüşləri dayandırmasını, diplomatiyaya üstünlük verilməsini istəyir.

29 iyul gecəsi Səudiyyə Ərəbistanı və ABŞ Mərkəzi Komandanlığı koordinasiyalı şəkildə İraqdakı hədəflərə qarşı dəqiq zərbələr endirib. İraqda fəaliyyət göstərən və krallığın neft obyektlərinə hücumlarda iştirak edən silahlılar əsas hədəf olub. Son məlumatlara görə, zərbələr nəticəsində 20 şiə milis döyüşçüsü öldürülüb.