İsveç məhkəməsi Rusiyanın "kölgə donanmasına" aid olduğu bildirilən "Caffa" gəmisinin Ukraynaya verilməsi barədə qərar qəbul edib.

Bu barədə Ukraynanın xarici işlər naziri Andrey Sibiqa sosial şəbəkədə paylaşım edib.

Onun sözlərinə görə, gəmi işğal altındakı Sevastopoldan qanunsuz taxıl daşınmasında istifadə olunub.

Sibiqa qərarın mühüm presedent yaratdığını bildirərək vurğulayıb ki, bu addım Rusiyanın "kölgə donanması" vasitəsilə müharibəni maliyyələşdirməsinin qarşısının alınmasına xidmət edir.