İran və Səudiyyə Ərəbistanı arasındakı danışıqlar regional sabitlik üçün vacibdir və BMT bu dialoqun davam etdirilməsinə kömək etməyə hazırdır.

Bunu brifinq zamanı BMT-nin baş katibinin rəsmi nümayəndəsi Stefan Cüjarrik deyib.

S.Cüjarrik bildirib: "Səudiyyə Ərəbistanı ilə İran arasındakı danışıqlar son dərəcə əhəmiyyətlidir. Açığı, bu, bölgədə sabitlik üçün son dərəcə vacibdir. Bu əlaqələri çox xoş qarşılayırıq.

Əlbəttə ki, bizdən istəniləcəyi təqdirdə mümkün olduğu qədər [ikitərəfli təmaslara] kömək etməyə hazırıq. Onlar danışıqlar aparırlar və bu, şübhəsiz ki, yaxşı haldır".

Qeyd edək ki, sentyabrın 3-ü Səudiyyə Ərəbistanı XİN rhəbri şahzadə Faysal bin Ferhan Al Saud gərginliyin azaldılması məqsədilə İranla birbaşa danışıqların başladığını bildirçişdi. Danışıqların son raundu İraq tərəfinin vasitəçiliyi ilə sentyabrın 21-i baş tutub.