Rusiya, Hindistan və Çin (RHÇ) Əfqanıstan xalqına humanitar yardımın çatdırılması üçün birlikdə işləməlidirlər. Bunu Hindistanın xarici işlər naziri Subramaniyam Cayşankar bildirib.

"RHÇ ölkələri humanitar yardımın Əfqanıstan xalqına maneəsiz və siyasiləşdirmədən daxil olmasını təmin etmək üçün birlikdə çalışmalıdırlar. Bu ölkələr terrorizm, radikallaşma, narkotiklərin qanunsuz dövriyyəsi və s. təhdidlərinə uyğun yanaşmaları əlaqələndirməlidir", - Caişankar növbəti iclasında deyib.
O əlavə edib ki, Əfqanıstanın ən yaxın qonşusu və uzunmüddətli tərəfdaşı kimi Hindistan bu ölkədə baş verən son hadisələrdən narahatdır və Əfqanıstanda inklüziv və nümayəndəli hökuməti, eləcə də BMT Təhlükəsizlik Şurasının 2593 saylı digər müddəalarını dəstəkləyir.
Cayşankar həmçinin qeyd edib ki, bu ilin yanvarında BMT Təhlükəsizlik Şurasına qeyri-daimi üzv kimi qoşulandan bəri Hindistan beynəlxalq və regional problemlərin qarşılıqlı məqbul həlli yollarının axtarışına fəal töhfə verir.

Cavid