Yerli ABC televiziyasının baş nazir Scott Morrisona istinadən verdiyi məlumata görə, Avstraliya Çində keçirilən Qış Olimpiya Oyunlarının diplomatik boykotuna qoşulur.
Boykotda artıq Çində olanlar da daxil olmaqla siyasətçilər və diplomatlar iştirak edəcək. Avstraliya Olimpiya Komitəsi də hakimiyyətin qərarını dəstəkləyib. Olimpiadaya 40 idmançının göndərilməsi planlaşdırılır.
Qeyd edək ki, boykotu ilk elan edən Ağ Ev oldu. Amerika tərəfinin izah etdiyi kimi, buna səbəb ÇXR tərəfindən Sincanda həyata keçirilən soyqırım və digər insan haqları pozuntuları olub.
Çin Xarici İşlər Nazirliyi daha əvvəl ABŞ-ın diplomatik yolla boykot qərarına cavab olaraq əks tədbirlər görəcəyini bildirmişdi. Pekin əmindir ki, bu, yarışın keçirilməsinə mane olmayacaq: Çinin Vaşinqtondakı səfirliyindən RİA Novosti-yə verilən məlumata görə, onsuz da amerikalı siyasətçilər Olimpiadaya dəvət edilməyib.

Cavid