Mətbuat Şurasının sədri Əflatun Amaşov parlament seçkilərində deputatlığa namizədliyini verəcək. Modern.az-ın xəbərinə görə, o, bu barədə düşündüyünü deyib. Onun fikrincə, Milli Məclisdə jurnalistika sahəsindən nə qədər çox deputat olarsa, mətbuatın, medianın indiki durumu, hansısa işlərin görülməsi, problemlərin daha asan həll edilməsi baxımından qərarların verilməsi mümkün ola bilər, addımlar atıla bilər: "Bu baxımdan, parlament seçkilərində deputatlığa namizədliyimi irəli sürməyi düşünürəm".
Əflatun Amaşov hansı seçki dairəsindən deputatlığa namizəd olacağını isə hələ dəqiqləşdirməyib: "Bunu hələ dəqiqləşdirməmişəm. Dairələrdən kimlərin namizəd olduğunu, kimlərlə qarşılaşacağımızı bilmək lazımdır. Buna uyğun da təbliğat aparmalıyıq".