“Bakı şəhərində tikiti ilə bağlı müəyyən problemlər yaranıb. Belə ki, bir neçə yerdə vətəndaşların köçürülməsində problemlər olure”.

Bunu Milli Məclisin bu gün keçirilən plenar iclasında deputat Asim Mollazadə deyib. O bildirib ki, tikinti şirkətləri bir neçə halda öz üzərinə götürdüyü öhdəlikləri yerinə yetirmir: “Məsələn, bir layihə razılaşdırılır, sonradan isə layihə dəyişdirilir. Bizim rayonda 3 ildən artıqdır ki, tikinti dayanıb. İnşa ərazilərində kimlərisə köçürdə bilmirlər. Məhkəmə prosesləri illərlə uzanır. Bu, vətəndaşların çox ciddi narazılığına səbəb olur. Bununla bağlı bir neçə dəfə Bakı şəhər, rayon rəhbərliyinə müraciət etmişəm”.

Deputat bildirib ki, bu məsələ ilə bağlı qanunvericlikdə dəyişiklik olmalıdır: “Qanunvericliyə dəyişiklik edilərək həm vətəndaşların mülkiyyət hüquqları müdafiə edilməli, həm də dövlətin həyata keçirdiyi layihələrin qarşısı alınmamalıdır”.