Gələn ay Bakıda daha bir Azərbaycan-Rusiya biznes forumu keçiriləcək. Azərbaycanda İxracın və İnvestisiyaların Təşviqi Fondundan (Azpromo) "APA-Economics"ə verilən məlumata görə, aprelin 3-də Rusiyanın Stavropol diyarının qubernator vəzifəsini icra edən Vladimir Vladimirovun rəhbərliyik etdiyi nümayəndə heyətinin Azərbaycana səfəri çərçivəsində İqtisadiyyat və Sənaye Nazirliyinin dəstəyi və Azpromo-nun təşkilatçılığı ilə Bakıda Azərbaycan-Rusiya biznes forumu baş tutacaq.
Biznes forumda kənd təsərrüfatı, qida, sənaye, tikinti, təhsil, səhiyyə, turizm və digər sahələri təmsil edən Stavropol diyarının şirkətləri iştirak edəcəklər.