Avropa Komissiyasından şok korrupsiya faktı İqtisadiyyat

Avropa Komissiyasından şok korrupsiya faktı

Korrupsiya üzündən Avropa iqtisadiyyatı hər il 120 mlrd. dollar itirir

Korrupsiya Avropa üçün problem olaraq qalmaqdadır. Korrupsiya üzündən Avropa iqtisadiyyatı hər il 120 mlrd. dollar itirir. Bu barədə Avropa Komissiyasının korrupsiya əleyhinə ilk məruzəsində bildirilir.
Avropa Komissiyasının Avropa Parlamentinə təqdim etdiyi məruzədə qeyd olunur ki, Avropa Birliyi ölkələri son illərdə çoxlu təşəbbüslərlə çıxış edib. Lakin bu səylərin nəticəsi yetərli deyil və bu üzdən korrupsiyanın qarşısının alınması üçün daha çox işlər görülməlidir.
"Avrobarometr" araşdırmaları göstərir ki, avropalılar korrupsiyaya görə çox narahatdırlar. Avropalıların 76 faizi hesab edir ki, korrupsiya geniş yayılıb.
Avropa Birliyi ölkələrində rəyi soruşulanların 56 faizi isə düşünür ki, yaşadıqları ölkələrdə korrupsiyanın səviyyəsi son 3 ildə artıb.