Almaniyanın “Hohenfels” təlim mərkəzində keçirilən Saber Junction-19 çoxmillətli briqada taktiki təliminin növbəti mərhələsində iştirakçılar qərargahların ərazidə açılması və fəaliyyətlərinin təşkili, eləcə də hərbi qərar qəbuletmə prosesinə başlayıblar.
Bu barədə Müdafiə Nazirliyindən məlumat verilib.
Təlimdə iştirak edən Azərbaycanın hərbi qulluqçuları müxtəlif relyefli ərazilərdən keçməklə qarşıya çıxan maneələrin və şərti düşmənin təxribat fəaliyyətlərinin dəf edilməsi üzrə tapşırıqları da yerinə yetiriblər.