İranda Azərbaycan milli kimliyi uğrunda dinc mübariz, tanınmış fəal Abbas Lisani Ərdəbil məhkəməsinə çağırılıb. "Oyannews.com" saytı xəbər verir ki, çağırış İran Kəşfiyyat Nazirliyinin (ETTELAAT) Ərdəbil şöbəsinin azərbaycanlı fəaldan şikayəti ilə bağlıdır.
Abbas Lisani milli zəmində apardığı dinc fəaliyyətlərinə görə bundan əvvəl dəfələrlə tutulub. Fəal bu il 21 Fevral Beynəlxalq Ana Dili Günü ərəfəsində İranın Əhər şəhərində keçirilən tədbirdə tutulub, martın 5-də isə 100 milyon tümənlik (təxminən 33 min dollar) mülk girovu qoyaraq şərti azadlığa buraxılıb.