Azərbaycanlı milli-mədəni fəal Sarab zindanından 5 günlük məzuniyyətə (murəxəsi) buraxılıb.
Məlumata görə, Əli Səmədpur 6-cı gün şənbə günü məzuniyyətə çıxıb.
Azərbaycanlı fəal 2013-cü il sentyabrın 29-dan (1392-ci il mehrin 7-dən) Sarabın ETTELAAT (İran Kəşfiyyat Nazirliyi) məmurları tərəfindən tutulduqdan sonra bu şəhərin həbsxanasındadır.
Ə.Səmədpur bundan öncə də medə ağrısı və migren xəstəliklərindən əziyyət çəkdiyinə görə müalicə məqsədi ilə məzuniyyətə buraxılmışdır.
Xatırladaq ki, adını çəkdiyimiz fəal 2012-ci ildə (1391-ci ilin tir ayında) daha bir neçə fəalla birlikdə Sarabın təhlükəsizlik qüvvələri tərəfindən tutuqlanıb və bu şəhərin ETTELAAT idarəsində sorğu-suala tutulmuşdur. O məmurlar tərəfindən ağır işgəncələrə məruz qalıb.