Azərbaycanlı milli-mədəni fəal Tikantəpə (Tikab) sakini Əli Hidayəti həbs olunub. O, Mahabad (Soyuqbulaq) məhkəməsi tərəfindən məhkum edildiyi 5 aylıq həbs müddətini çəkmək üçün zindana yollanıb. Ə.Hidayəti fevralın 2-də həbs olunub.
Təxminən iki ay öncə Ramin Rzayi, Yədullah Dəşti və Əli Hidayəti barəsində çıxarılan həbs qərarı öz təsdiqini tapıb. R.Rzayi 91 gün, Y.Dəşti 6 ay və Ə.Hidayəti 5 ay müddətinə azadlıqdan məhrum edilib.
Qeyd edək ki, adını çəkdiyimiz fəallar 2013-cü il avqustun 3-də Mahabadın inqilab məhkəməsində mühakimə olunublar. Y.Dəşti sistemin əleyhinə təbliğ və ölkənin təhlükəsizliyini pozmağa cəhd göstərən qruplarda üzv olmaq, Ə.Hidayəti və Ramin Rzayi isə sistemin əleyhinə təbliğdə ittiham olunub. Pantürkizm və bölücü Azərbaycan Milli Hərəkat qrupunun xeyirinə təbliğ, ETTELAAT-ın (İran Kəşfiyyat Nazirliyi) raportunda göstərilən SMS-lərin içəriyi -hansı ki, qövmçülük və nasionalizm təfəkkürünə dəlalət edir- və ETTELAAT idarəsində saxlanılan daha bir neçə material irəli sürülən ittihamlara əsas kiimi göstərilir.