Almaniya kansleri Angela Merkel ikinci dəfə rəsmi görüşdə özünü pis edib. "Röyter" xəbər verir ki, Merkeli Almaniya Prezidenti Frank-Valter Ştaynmayerlə görüş zamanı güclü əsməcə tutub. Özünü pis hiss edən kanslerə su təklif ediblər, lakin Merkel imtina edib. Sonradan Merkelin mətbuat katibi bildirib ki, onun səhhətində heç bir problem yoxdur və yaxın vaxtlarda kansler Osakaya G20 sammitinə yola düşəcək. Xatırladaq ki, iyunun 18-də Ukrayna Prezidenti Vladimir Zelenskinin Berlinə səfəri zamanı da Merkeli güclü əsməcə tutmuşdu.