Qırğızıstan-Tacikistan sərhədindəki son münaqişə ilə əlaqədar Qırğızıstan Xarici İşlər Nazirliyi Tacikistanın bu ölkədəki səfiri Suxrab Olimzodaya etiraz notası təqdim edib.
Notada sərhəddə gərginliyin azaldılması və sabitləşməsi, gələcəkdə belə münaqişələrin baş verməməsi üçün Tacikistan tərəfi təxirəsalınmaz tədbirlər görməyə çağırılır.
Qırğızıstan Prezidenti Sooronbay Jeenbekov sərhəddə baş verən son münaqişə ilə bağlı müşavirə keçirib, güc strukturlarına sabitliyin bərpa olunması istiqamətində tapşırıqlar verib.
Qeyd edək ki, Tacikistan-Qırğızıstan sərhədində ötən gün axşam saatlarında və gecə baş verən qarşıdurmada 3 tacik hərbçi ölüb,13 nəfər yaralanıb.