Şəkidə iki avtomobil toqquşub, qəzadan sonra avtomobillərdən biri yanıb.

APA-nın Şimal-qərb bürosunun məlumatına görə, hadisə rayonun Küdürlü kəndində qeydə alınıb. “QAZ-24” və “Ford” markalı minik avtomobilləri toqquşub. Qəzadan sonra “QAZ-24”də yanğın başlayıb. Yanğın nəticəsində avtomobilin yanar hissələri yanıb.

Yanğın Şəki Dövlət Yanğından Mühafizə Hissəsinin yanğınsöndürənləri tərəfindən söndürülüb.

Hadisə zamanı 1 nəfər - “Ford”da olan sərnişin yüngül xəsarət alıb.

Faktla bağlı araşdırma aparılır.