Türkiyənin daxili işlər naziri Süleyman Soylu Avropa İttifaqının daxili məsələlər üzrə komissarı Dimitris Avramopulos, Almaniyanın daxili işlər naziri Horst Seehofer və Fransanın Ankaradakı səfiri Çarlz Frays ilə görüşüb.
“Milliyet” xəbər verir ki, görüşdə miqrantların vətənlərinə qaytarılması ilə bağlı razılaşma başda olmaqla suriyalı qaçqınların vəziyyəti, qanunsuz miqrasiya ilə mübarizə kimi mövzular müzakirə edilib.
İclasda çıxış edən S. Soylu bu gün dünyanın ən çox miqranta ev sahibliyi edən ölkəsinin Türkiyə olduğunu bildirib:
“Təxminən 5 milyondan çox qonağımız var. Onların 3 milyon 667 mini suriyalıdır. Qoyduğumuz miras qapımızı döyən,qapımıza gələn insanlara necə davrandığımızın bəlkə də gələcəkdəki ən önəmli göstəricisi olacaq. İstər düşərgə, istər uyğunlaşma, istərsə də qonaqpərvərlik baxımından Türkiyə bütün dünyaya nümunə olub”, - deyə nazir vurğulayıb.