Hindistanın qərbindəki Maxaraştra ştatında sərnişin avtobusunun avtorikşa ilə toqquşması nəticəsində 26 nəfər həlak olub, 30-dan çox insan yaralanıb.
Mumbai Mirror qəzetinin yerli hakimiyyət orqanlarına istinadla yaydığı məlumata görə, toqquşmadan sonra hər iki nəqliyyat vasitəsi yol kənarındakı quyuya yuvarlanıb. Xilasetmə əməliyyatları gecə saat 4-dək davam edib və səhər saatlarında bərpa olunub.
Cəsədlərin əksəriyyəti quyudan çıxarılıb. Xilasedicilər palçığın içərisində sərnişinlərin qalıb-qalmadığını yoxlayırlar.
Ölənlərin arasında uşaqların da olduğu bildirilir.