Rusiyada koronavirusa yoluxanların sayı gün ərzində 2774 nəfər artıb.

Ölkədə koronavirus infeksiyasına yoluxanların sayı 2774 nəfər artaraq, 21 min 102 nəfərə çatıb. Yeni yoluxma halları Rusiyanın 51 regionunda qeydə alınıb, gün ərzində 22 pasiyent vəfat edib, 224 nəfər sağalıb. Ən çox yoluxma faktı – 1489 nəfər Moskvada aşkar edilib.

Ümumilikdə ölkədə 21 min 102 COVID-19 xəstəsi qeydə alınıb. Ötən dövr ərzində 1694 xəstə sağalıb, 170 nəfər dünyasını dəyişib.