Böyük Britaniyada yeni növ koronavirus infeksiyasından ölənlərin sayı son sutkada 621 nəfər artaraq, ümumilikdə 28 131-ə çatıb.
Bu barədə brifinq zamanı Mənzil İnşaatı naziri Robert Cenrik bildirib.
Bundan bir gün əvvəl krallıq ərazisində ölənlərin 27 510 nəfər olduğu deyilirdi. Həmin vaxt bir gün ərzində 739 nəfər virusun qurbanı olmuşdu.
Son 24 saatda COVID-19 infeksiyasına 4806 nəfər yoluxub, ümumilikdə yoluxanların sayı 182 260 nəfərdir. Bundan əvvəlki göstərici daha yüksək idi – gün ərzində 6201 yoluxma, ümumi yoluxma sayı isə 177 454 fakt.