Qeyri-Hökumət Təşkilatlarına Dövlət Dəstəyi Agentliyinin ofisində Türkiyənin Qadın və Demokratiya təşkilatının nümayəndələri ilə görüş keçirilib.

Görüşdə Agentliyin Müşahidə Şurasının üzvü Günel Səfərova, “Qadın və Uşaqların Təhsilinə Dəstək” İctimai Birliyinin sədri Sevinc Fədai, Gəncə Regional Qadın Mərkəzinin sədri Məleykə Əlizadə, "Əlil Qadınlar Cəmiyyəti" İctimai Birliyinin sədri Məhluqə Rəhimova, Azərbaycan Respublikası Qadınlar Cəmiyyətinin sədri Bahar Qasımova və KADEM təşkilatının 15 nəfər üzvü iştirak ediblər.
Çanaqqaladan Qarabağa doğru layihəsi çərçivəsində Azərbaycana gələn qonaqlar bir neçə dövlət qurumunda və universitetlərdə qonaq olacaqlar.
Qonaqları salamlayan Agentliyin Müşahidə Şurasının üzvü Günel Səfərova qonaqlara Agentlik haqqında məlumat verib. O eyni zamanda Azərbaycanda vətəndaş cəmiyyətinin inkişafında qadın təşkilatların rolunu vurğulayıb.
Daha sonra Türkiyəli qonaqlar və Azərbaycandan olan qht rəhbərləri çıxışlar ediblər.
Cavid