2 fevral — Azərbaycan Gəncləri Günü məhz gənclərə həmişə böyük diqqət və qayğı ilə yanaşan, onların problemlərinin həlli istiqamətində həyata keçirilən tədbirlərə xüsusi önəm verən, bu siyasəti müasir müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirən ümummilli lider Heydər Əliyevin adı ilə bağlıdır.

Bunu "Xalq Cəbhəsi"nə YAP-ın Siyəzən Rayon təşkilatının sədri Samir Baxşiyev deyib.

O, qeyd edib ki, bu gün ulu öndərin gənclər siyasəti Prezident İlham Əliyev tərəfindən uğurla davam etdirilir və tam inamla demək olar ki, ölkəmizdə gənc nəslin problemlərinin həlli, onların cəmiyyət həyatında layiqli təbəqə kimi iştirakının təmin olunması üçün həyata keçirilən bütün zəruri tədbirlər Azərbaycan gəncliyini daha işıqlı sabaha aparacaq: "Bu yolda gənclərimizin ən böyük himayəçisi və dəstəkçisi məhz Azərbaycan Prezidenti İlham Əliyevdir".
Cavid