“Yeni hərbi blokların yaradılması mümkündür. Bunu ən yeni tariximiz göstərir”. Bunu xalqcebhesi.az-a açıqlamasında hərbi ekspert Heydər Mirzə söyləyib. “Artıq on illiklərdir ki, var olan hərbi bloklara, misal üçün NATO-ya baxaq. Alyansın böyüməsi ilə bağlı bir müddət çətinliklər vardı, lakin Ukraynadakı müharibə bu ittifaqa yeni həyat verdi, konsolidasiya etdi, silkələdi. Rusiyaya baxaq - Rusiyanın Çin və ya İranla münasibətləri açıq hərbi blok şəkli almasa da, şərti olaraq belə adlana bilər”,-deyə o, əlavə edib. Ekspert bu münasibətlərin Rusiyaya daha çox faydalı olduğunu diqqətə çatdırıb: “Bu münasibətlər Rusiyaya daha çox faydalıdır, nəinki Çinə və ya İrana. Lakin bunlar misallardır və misallar göstərir ki, hərbi bloklar müasir dünya siyasətinin reallığıdır, bu uzun zaman belə olub, bundan sonra da belə olacaq”.