Dövlət İmtahan Mərkəzində GRE – Ümumi Test imtahanı keçirilib.
DİM-dən bildirilib ki, ehtiyat tədbirləri çərçivəsində imtahan binasına daxil olan iştirakçının məsafədən ölçə bilən elektron termometrlə bədən hərarəti yoxlanılıb və zəruri dezinfeksiyaedici vasitələrdən istifadə olunub.
İyunun 26-da keçirilən imtahanda 1 nəfər iştirak edib və keyfiyyətin təmin edilməsi məqsədilə ETS tərəfindən hazırlanan imtahanların keçirilməsinə dair qaydalara riayət olunub.
GRE – Ümumi Test imtahanının rəsmi nəticələri imtahan günündən təxminən 10-15 gün sonra imtahan verənlərin ETS-in internet səhifəsindəki şəxsi hesabına yerləşdirilir.
Qeyd edək ki, növbəti GRE – Ümumi Test imtahanının 15 avqust tarixində keçirilməsi nəzərdə tutulur.