Bəzi ölkələrdə koronavirusun ikinci dalğası başlayıb, bunun qarşısının alınması ilə bağlı yeni tədbirlər görülür.

Bunu Nazirlər Kabineti yanında Operativ Qərargahın bu gün keçirilən brifinqində Səhiyyə Nazirliyinin Aparat rəhbəri Nadir Zeynalov deyib.

Onun sözlərinə görə, Azərbaycanda da dövlət səviyyəsində aparılan tədbirlər ikinci dalğanın qarşısının alınması ilə bağlıdır: "Qabaqlayıcı tədbirlər görməklə biz infeksiyanın qarşısını ala bilərik. Təmizlik və qorunmaya riayət etsək, epidemiyanın qarşısını almaq olar. Amma əksinə olsa, bu virus daha da güclənə bilər. Payız aylarında havaların dəyişməsi ilə bağlı daha bir dalğanın olması ehtimal edilir. Bunun qarşısını almaq üçün ümumi qaydalara əməl etməliyik".