Gürcüstanın Qardabani rayonunun azərbaycanlılar yaşadığı Qaracalar və Qaratəklə kəndlərində kütləvi koronavirus testlərinə başlanılıb.

Həmin kəndlərdə “PZR” testlərinin aparılması üçün 6 qrup epidemioloq cəlb edilib. Ümumilikdə 700 nəfərdən analizin götürüləcəyi bildirilir.

Qardabani rayonunda indiyədək koronavirusa 23 yoluxma halı təsdiqlənib. Bunlardan 14-ü Qaracalar kəndində qeydə alınıb.

Qeyd edək ki, yaranmış epidemioloji vəziyyətələ əlaqədar olaraq bu gün Gürcüstan Qurumlararası Koordinasiya Şurası hər iki kənddə sərt karantin rejiminin tətbiqi məsələsini müzakirə edəcək.